/126/ hominem curare, philosophiae sane tyroni
etiam risui se sannisque proponet. Nam, si caetera
curat, quanto magis hominem, quem horum
omnium quae videmus tum spectatorem quasi
quendam, tum etiam dominum constituit
confirmavitque, adeoque prae caeteris ordine
eget maxime et custodia utpote prae reliquis
constitutum sibi ordinem et lineas cupiens
transilire. Praeterea, ut supra probavimus
contra Cardanum, et Aristoteles in 2. Physicorum
adstipulatur, omnia haec inferiora propter
hominem sunt, tanquam ipsorum finem: quod,
si Deus eorum quae ad finem ordinata sunt
curam gerit, quanto magis finem ipsum curare
putandus est?
EXERCITATIO XXII
Ad Ciceronianas probationes adducit Boëtii
et Aquinatis resolutiones, quas
etiam confutat.
Primae rationi: divina providentia certa
est infallibilis et invariabilis; at his
contrarias conditiones liberum arbitrium sibi
vindicat; nullo igitur modo consentire
possunt. Boëtius, in libro 5. De consolatione, pros. 6.,
tres profert responsiones, quarum
Indice
|
Pagine introduttive |
|
EXERCITATIONES |